TUNI IN DAVID KHUAPI AH NOTE HONG HONKHIA DING CHRIST TOPA HONG SUAK HI

TUNI IN DAVID KHUAPI AH NOTE HONG HONKHIA DING CHRIST TOPA HONG SUAK HI

7. Zintun nading mun dang khempeuh mi dim khinta ahih manin ganbukah tung uh a, a tacil ahi ta pasal khat nei-in, puan tawh tunin gan annekna kuang sungah a sial hi.

8.Tua hun laitakin gamlakah a tuuhonte a giahpih tuucing pawlkhat a om uh hi.

9.Amaute kiangah Topa’ vantungmi khat hong kilang a, Topa’ minthanna vang in amaute hong taan ahih manin a lau mahmah uh hi.

10.Ahi zongin vantungmi in, “Lau kei un. Mi khempeuh a lungdamsak ding thuthak hoih khat note a’ ding ka hong puak hi.

11.Tuni-in David khuapi sungah, note a hong honkhia ding Khrih Topa a suak hi.

12.Amah na theih nading uh a lim hih bang hi ding hi: Puan tawh kitun naungek khat, gan annekna kuang sungah a kisial na mu ding uh hi,” a ci hi.

13.Tua khit phetin tua vantungmi tawh vantung mihonpite thakhatin hong omin Pasian phatna la sa uh a,

14.Van a sang belna-ah a om Pasian’ min thang hen la, ama pahtak leitung mite tungah nopna om ta hen,” a ci uh hi. Vantung mite vantungah a ciahkik khit uh ciangin tuucingte in, “Bethlehem khua-ah pai-in, Topa’ hong gen hih thupiang va en ni,” a kici uh hi.

‭‭LUKA‬ ‭2:7-15‬ ‭TDB‬‬