666 Number kua hi ding hiam?
Mangmuhna 13:18
- Hih thu-ah pilna kisam hi. Hih nambat pen 666 hi a, mihing khat min tangin a ding hi a, mipil mitei peuhpeuhte in hih ganhing nambat a cihnopna thei ding uh hi. MAANGMUHNA 13:18 TDB
Kaisar Neron, Caeser Nero min pen 666 hong suak hi. Lai Siangtho sungah 666 leh 616 pen Zeisu langpang (Antichrist) number ahi hi. Tanglai Greek leh Hebrews laimal in number nei ciat a Nero min laimal te a kigawm ciang 666, 616 suak hi. Nero pen gilo lua mahmah a hih pa ahi tam maw cih pen Mangmuhna 13:18 gamsa number pen 666 a ma min tawh kituak hi.
Nero pen Roman Empire a uk tawpna pa hi a ama uk hun AD 64 hun in Romante khuapi tampi tak meikuang in kangtum hi. Hih meikang pen Nero in tetti omlo pi in Christian te hal hi ci in mawk siatin Rome gam ah Christian pawlpi phutkhia makai tampi tak leh Christian tampi tak kailhawm in sialgawh en bangin that ziahziah sak hi.
Tua sungah Zeisu nungzuipi Peter zong bungbukhai in that lum hi. Christian te pawlkhat savun silhsak in ui pet gawpsak in pawlkhat mei tawh hal in Christian mi tampi tak thatlum ziahziah hi. Nero pen Leitung tangthu sungah kumpi gilo taktak hi a mipoi mahmah in a kiciam teh mipa khat ahi hi.
HUN NUNUNG THUPIANG DINGTE
Khrish (Messiah) Zeisu Kineihkhem amanlo hong om ding hi hun nunung ah kidawm in.
- Tua ciangin leisung panin a hong pusuak ganhing adang khat ka mu hi. Tua ganhing in tuu bangin ki nih nei a, a kampau zia pen gulpi kampau tawh kibang hi.”
MAANGMUHNA 13:11 TD
Hun nunung ciangin kumpi gilo mahmah khat hong khang dinga Pasian tate hong that ziahziah ding hi. Tua mi pa pen a mahlehmah Pasian Tapa Pasian kici tawm dinga Khrish (Messiah/Pasian teltuam) ka hi ci in kineih khem ding hi. Mi tampi khemzo dinga vanpan in zong nalam dang meikuang cihte piangsak thei dinga mi tampi in um ding uh hi. A mah pen Pasian kici dinga ciaptehna khat nei ding hi ciaptehna number neilote leh ama lim a bia nuamlote pen bawlsia in that ziahziah dinga bang mah sem theilo in koih ding hi.
TUUNO LAIBU SUNGAH MIN KIKHUM LOTE
8. Tua ahih manin a kigo Tuuno laibu sungah a nungta ding mite’ min, leitung pianma pekin a kikhumna-ah a kihel lo leitung mi khempeuh in tua ganhing bia ding uh hi.
MAANGMUHNA 13:8 TDB
Khrih ahilo (False Christ, Antichrist) Zeisu ahilo a manlo om ding hi hih mipa in thunei mahmah dinga Leitung kumpite khempeuh tawh kipawl dinga thunei pen ding hi mi zawng mihau milian mineu suakta suakta lo avekpi in ciaptehna neisak dinga nalam dang bawl dinghi ciaptehna nei mite pen Tuuno Laibu sungah min ki khumlo te hi ding uh hi.
Mangmuhna 13:13-17
- Tua ganhing nihna in nalamdang lianpipi bawl a, mi khempeuhte’ muhin van panin leitungah meikuang nangawn a kiasak thei hi.
- Ganhing masa omna-ah nalamdang bawltheih nading thu ngah ahih manin a nalamdang bawlna tawh leitungah a om mi khempeuh khem a, namsau tawh a si ding zahin a kisat liamsa hinapi a nungta lai ganhing pahtawi nading milim khat a bawl nadingun a gen hi.
- Tua ganhing nihna in ganhing masa lim dingin a kibawl milim sungah a hu a muap ciangin hong pauthei a, tua milim a bia lo khempeuh a thahtheih nadingin thu a ngah hi.
- Tua ganhing in a lian a neu, a hau a zawng, sila le sila ahi lo, mi khempeuh in a taklam khut tung uh ahih kei leh a taltang uhah ciaptehna a neih nadingun thu a pia hi.
- Tua ahih manin tua ganhing min ahih kei leh a min tangin a nambat ciaptehna a tungah a nei lo mi peuhmah, vanlei vanzuakin paikhia thei lo uh hi.
MAANGMUHNA 13:11, 13-17 TDB
ZOMI UNITED CHURCH 