THUMAN ZEISU, ZEISU SIHNA, ZEISU THAWKKIKNA, LEH ZEISU MIN HANGIN LAMETNA PHATE

THU MAN ZEISU IN HONG SUAKTA SAK LEH A SUAKTA NA HI HI

Johan 8:32,36

32. Tua ciangin thuman na thei ding uh a, tua thuman in note hong suaktasak ding hi,” a cih leh, ‭TDB‬

36.Tua ahih manin Tapa in note hong khah le a suakta takpi na hi uh hi. ‭TDB‬‬

Johan 14:6

6. Jesuh in ama kiangah, “Keimah in Lampi ka hi a, Thuman, le Nuntakna zong ka hi hi. Kei hong suang loin Pa kiangah kuamah tung thei lo ding hi. ‭TDB

THU KHAM A BEISAK HILO IN A TANGTUNG SAK HI

Matthai 5:17

17. Thukham ahi zongin, Kamsangte thu ahi zongin a beisak dinga hong pai hi, ci-in hong ngaihsun kei un; tuate a beisak dinga hong pai hi loin, a tang tungsak dinga hong pai ka hizaw hi.‭ ‭ZIV‬

Leitung ah mawhna hong om ciangin thukham hong kipia a tua thukham tawh hong ki uk in a zuizo kua mah ki omlo hi. Pasian in a bawlsa mite hong itlua mahmah ahih manin a tankhia dingin a mahmah mihing bangin hong piang tawm hi. Ama min pen Zeisu ahi hi. Zeisu in Leitung mite in a sep zawhloh a zuih zawhlo thukham hong zawhsak hong sepsak in hong tangtun sak khinzo hi ama hangin suakta taktak te i hita hi.

THUKHAM HONG KIPIAKNA LEH MAWHNA HONG TUNNA THU

Piancil 2:16-17

16. Topa Pasian in mipa thu pia a, “Na ut utin huan sung singkung gah khempeuh na ne thei ding hi.

17. Ahih hangin a pha le a sia theihna singkung gah pen na ne kei ding hi. Bang hang hiam cih leh tua na nek ni-in na si ding hi,” a ci hi. ‭TDB‬‬

Piancil 3:3-7

6. Tua ahih ciangin singkung a hoihna, mi a pilsak dingin tua a gah a deihhuaina a muh ciangin, a singgah loin a ne hi. Amah in singgah kimkhat a pasal pia a, a pasal in zong a ne hi. TDB

‭

Adam leh Ave te mawhna hangin a suan leh khak Leitung mi khempeuh mimawh hong suak hi. Pasian in a bawlsa na khempeuh sangin hong itzaw a i mangthang ding deihloh ahih manin amahmah mihing in Leitung ah hong kumsuk in mi hingin hongsuak a Leitung mi khempeuh ama pumpi leh sisan tawh hong tankhia hi. Sisan luanglo in mawhna ki maisak theilo a a masa sisan tawh kiciamna bawl in a ma sisan tawh hong tankhia hi.

Pasian in Leitung mite (nang leh kei) tang dingin si hi, Kei thuak dingteng hong thuak, kei sep ding teng hong sem, keima thum ding hong thumsak, kei hangin kimawhsak, kei hoihlona teng khempeuh ama ki ngawh siatutna teng a man pua in lem.

A taktak in Pasian sitheilo a, a Leitung pumpi a mihing hihna a si ahi hi. Zeisu sihna in mihing taktak mah hi cih tecipanna leh Pasian nungta hi amah a um mite khempeuh zong nungta ding hi cih tecipanna ahi hi. 

Zeisu si in ki gui a ni thum ni ciangin Pasian in thokik sak hi. Zeisu in thuman hi Pasian taktak hi ci in a um mi khempeuh in suakta ding uh hi. Zeisu Khrih tungtawn in nungtakna ngah ding uh hi. Nuntakna hong pia i biak Topa Zeisu Khrih bek ahi hi. Leitung mite hong tankhia hong gumkhia Zeisu Khrih bek ahi hi. Zeisu Khrih lo gumpa dang To dang Pasian dang omlo hi.

Korin Masa 15:13-17

13. Tua bangin misite a thokik lo hileh Khrih zong a kithokiksak lo hi ding hi.

14. Khrih a kithokiksak lo hileh kote’ thuhilhna a mawkna hi ding a, note’ thu up zong a mawkna mah suak ding hi.

15. Tua bek zong hi lo lai-in, misite a kihingkiksak lo ding hileh Pasian in Khrih hingkiksak hi, ci-in teci pang ka hih manun, mite kiangah Pasian’ thu a man lopi-in a gen ka suak ding uh hi.

16. Bang hang hiam cih leh misite a kihingkiksak lo ding hileh Khrih zong kihingkiksak lo ding hi.

17. Khrih a kihingkiksak lo hileh note’ upna a mawkna hi ding a, na mawhna sung mah uhah note a omlai na suak ding uh hi.TDB‬‬

Zeisu Khrih thokik lo hi leh misite zong thokik nawnlo ding a, kote thugente leh ka upna uh a mawkna suak ding hi.

Tua hi leh Pasian in Zeisu sihna pan thokik sakhi cih pen manlo hi cih tecipang ka hi ding uh hi. 

Zeisu a silo a thokik lo hi leh Leitung mite lam etna omlo mawhna mah tawh a kidim i hilai ding hi a i mangthang mang ding i hi hi. 

Ahi zongin Zeisu si in thokik zo ahih manin misite zong thokik ding a eite khempeuh zong i nungta dinga lametna pha i nei hi. Tua ahih manin Zeisu na sungah a teng nai kei leh samin la Zeisu aw ka sungah hong tengin ci in, na lungsim kongkhak hon in lutsak in a lutsak a sam mite sungah Zeisu teng thei bek hi deih kul sap kul hi.

ZEISU MINLO MIN DANG OMLO

Sawltakte 4:12

12. Ama hang bek tawh hotkhiatna kingah thei ding hi. Bang hang hiam cih leh eite in hotkhiatna i ngahtheih nadingin leitung khempeuhah Pasian in hong piak min dang khat zong om lo hi,” ci-in a gen hi. TDB‬‬

Van nuai kici ah mite tungah eite ki hotkhiatna ding Zeisu minlo min dang hong kipia khat zong omlo hi ci hi.

MAWH KISIKKIKNA, MAWH MAINA, ZEISU MIN TAWH TUIPHUMNA LEH KHA SIANGTHO NGAHNA

Sawltakte 2:38

38. Tua ciangin Peter in amaute kiangah, “Na mawhna uh kisik unla, na mawhna uh hong kimaisak theih nadingin Jesuh Khrih min tawh tui kiphum ciat un. Tua hileh Pasian’ piakkhong Kha Siangtho na ngah ding uh hi. TDB‬‬

Na mawh uh kisik kik unna hong kimaisak theihna dingin Zeisu Khrih min in tui kiphum ciat un tua hi leh Pasian piakkhong Kha Siangtho na ngah ding uh ci hi.

Itna hehpihna leh lungduaina hoihna kicing tawh a kidim i Topa Zeisu Khrih hong hehpihna mikim tungah hong tungta hen. I Topa Zeisu Khrih in minthanna leh vangliatna khempeuh tang tawntungta hen. Amen.

Zomi United Church