VANTUNG A I PA IN A NGENTE PIA

Luke 11:9-13 TDB

9. Tua ahih manin note kiangah kong cihin-ah: Ngen un; na ngah ding uh hi. Zong un; na mu ding uh hi. Kiu un; kongkhak hong kihon ding hi.

10. Bang hang hiam cih leh a ngente khempeuh in ngah ding a, a zongte khempeuh in mu ding a, a kiute khempeuh a dingin kong kihon ding hi.

11. Note lakah pa ahi mi khatpeuh in, a tapa in ngasa ngen leh ngasa tangin gul a pia ding,

12. aktui ngen leh aktui tangin momai a pia ding kua om na hi uh hiam?

13. Note mihoih lo hinapi-in na tate uh tungah a hoih piak ding theithei na hih uhleh, vantung a om na Pa un a ngente tungah Kha Siangtho piazaw kan ding hi lo ahi hiam?” a ci hi.

Zeisu in ngen un na ngah ding uh hi, zong un na mu ding uh hi, kiu un kong hong kihon ding hi ci hi lungsim takpi tawh ngen in zongin kong a kiute kipia ding hi.

Vantung ah i Pa in Kha Siangtho hong pia lua ding hi bang hang hiam cih leh note zong mihoih lo pi in na tate uh ading na hoih piak ding theithei na hih uh leh a hoih Pasian Vantung a i Pa in Kha Siangtho a ngente hong pia zaw kan lo ding ahi hiam ci hi.

Tate in pate tungah ngasa ngen leh gul a pia ding kua mah mi omlo ding hi ci hi. Tua mah bangin na hoih sep ding theihthei i hih leh Vantung a i Pa in hong sepsak lua mahmah ding hi.

Lungsim khempeuh tawh amah zongte in mu ding uh a, Kha Siangtho a ngente khempeuh kipia dinga ngah ding uh hi ci hi. Lunghiang lo in upna takpi tawh i Pa Pasian Topa Zeisu Khrih kiangah ama min suangin ngen leng amah itna leh hehpihna tawh kidim ahih manin aman hong pia ding hi. Zeisu na sungah tengsak in sam in munpia ni. Vanglian Pa Pasian eite Topa Zeisu Khrih min pahtawina minthanna khempeuh tangtawn tungta hen. Amen.