Eite Upnate

Khrih’ thu hilhna leh Nungzuite’ thu hilhna tawh kikhawlkhopna biakpiakna. Eite in Jesu Khrih bek a man Pasian hi cih i um hi ama sungah tawntung nuntakna om hi, a ma sungah na khempeuh a kicinggai hi. Tua in ama pumpi hi a, a vekpi in ah a cingtakin na khempeuh dimkim hi. 

Lai Siangtho Thu

Lai Siangtho in kikhialhnang’ hitheilo Pasian Kammal leh suahtakna ding thunei, leh Khrilh-mite nuntakna ahi hi. 

Timoti Nihna 3:15-17 Christ Jesu sunga upna tungtawnin hotkhiatna ngah nadingin hong pilsak thei a siangtho Laisiangtho na neu tunga kipan na theihsa ahilam zong na thei hi. 16. Laisiangtho khempeuh Pasian humuap hi-a, thuhilh nading, tai nading, bawlphat nading, thumaan lama pattah nadingin phatuamin manpha hi. 17. Tua in Pasian mipa pen na hoih khempeuh sem dingin kimtaka a kithuam theih nading ahi hi. (ZIV)

Pasian Thu

Pasian pen khat bek om hi, kua hiam cih leh a mahlehmah eite Pa in ah, a Tapa Jesu Khrih in ah, leh Kha Siangtho in ah hong kilang hi. Jesu Khrih in si leh sa in a kilangkhia Pasian  ahi hi. A mah pen Pasian leh mihing ahi hi.

Thu Hilhkikna 6:4 Israel-te aw, za un: TOPA i Pasian, TOPA khat bek ahi hi. (TDB)

Efesa 4:4-5 A kibang lametna khat bek a ngahkhawm dingin Pasian in note hong sap mah bangin eite khemeph pumkhat bek hi-in Kha Siangtho zong khat bek mah a neikhawm ih hi. 5.Topa khat bek, upna khat bek, tuiphumna hi-in Kha Siangtho zong khat bek mah a neikhawm ih hi. 6.Mi khempeuh’ Pa ahi Pasian khat bek om a, mi khempeuh’ Topa hi-in, na khempeuh hih kimin, mun citengah a om hi. (TDB)

Kolose 2:9 Bang hang hiam cihleh mihing hong suahna sungah Khrih in Pasian’ pianzia khempeuh a kimtakin nei a, (TDB)

Timoti Masa 3:16 I biakna pen a thuthuk a thulian taktak ahihna thu hih bangin i thei hi: Mihing lim pua-in amah hong kilang a, a man taktak ahihna thu Kha Siangtho in kilangsak a, vangtung mite in a mu u hi. Mi khempeuh tunggah ama thu kihilh a, mun khempeuhah ama thu ki umin, vantungah amah kilato hi. (TDB)

Mawhna leh Hotkhiatna Thu

Mi khempeuh ki mawhkhin a hotkhiatna kisam hi. Hotkhiatna in hehpihna pan hongpai Jesu Khrih tawh a hong kithoihna upna bulpi ahi hi. 

Rom 3:23-25 Mi khempeuh mawh ciat uh a, a hong honkhia Pasian tawh kigamla uh hi. 24. Ahi zongin Pasian in a hong hehpihna hangin Khrih Jesuh tawh hong tatkhiat manin amah tawh i kipawlthei kik hi. 25. Ama hong sihna hangin mawhna a kimaisak theih nadingin Pasian in Jesuh hong pia a, amah tawh i kipawl theih nading zia hog lahna-in hih bangin Pasian a hong gamta ahi hi. Pasian a lungduaina hangin a beisa hunah i mawhnate hong en khong phot hi.  (TDB)

Rom 6:23 Bang hang hiam cih leh mawhna in thaman hong piak pen sihna hi a, ahi zongin i Topa Jesuh tawh i kipawl manin Pasian’ hong piakkhong pen nuntak tawntungna ahi hi. (TDB)

Efesa 2:8-9 Note’ upna hangin Pasian’ hong hehpihna tawh hotkhiatna a ngah na hi uh hi. Note’ thalawhna hangin a ngah hi loin Pasian’ hong piakkhong ahi hi. 9. Note’ hanciamna tawh a ngah hi lo na hih manun na kisialh nading uh a thu om lo hi. (TDB)

Lungdamna Thu

Gupkhiatna Lungdamna thuthak in Jesu in eite mawhna tangin sizo, kiphumzo, leh thokik zo hi. Eite in Lungdamna Thuthak i zui hi, mawhnakitelna kisikkikna (mawhna pan sihna), tuisung kiphumna Jesu Khrih min in ah (kiphumna) leh Kha Siangtho tawh kituiphumna ki theihcilna limh kamtuam pauna Kha piak kampauna ahi hi. (Thawhkikna)

Thesalonika Nihna 1:8 Pasian a thei lo mite, le i Topa Jesuh tawh kisai Lungdamna Thu a um lo mite tungah gimna a tungsak ding hi. (TDB)

Peter Masa 4:17 Tu-in thukhen kipat hun ding hong tungta-in Pasian’ mi eite tungah hong kipan ahihleh Pasian kiang panin hong pai Lungdamna Thu a um lo mite a’ dingin bangzahin lungkhamhuai ding ahi hiam? (TDB)

Korin Masa 15:1-4 Sanggamte aw, note kiangah ka hong hilh, note in hong sangin kiptakin na let uh thu, na phawkkik ding uh ka deih hi. 2. Kei’ hong hilh thu pen lungdamna thu ahi hi. Note in kiptakin tua lungdamna thu na let nak-uhleh hotkhiatna a ngah na hi uh hi. Tua hikeileh na upna uh a mawkna ahi hi. 3. Kei tungah a hong kihilh a thupi pen note tungah ka hong gensawn a, tua in: Lai Siangtho sungah a kigelh mah bangin eite’ mawhna tang dingin Khrih hong si-in 4. Kivui a, Lai Siangtho sungah a kigelh mah bangin a ni thum ni-in Pasian in hingkiksak hi.

Sawltak 2:4 Amaute khempeuh Kha Siangtho tawh kidim uh a, tua Kha in minam dangte’ pau tawh amaute a pau theisak hi. (TDB)

Sawltak 2: 37-39 Amaute in hih thu a zak uh ciangin a lungsim uh nakpitakin sukha a, Peter le sawltak dangte kiangah, “Sanggamte aw, bangci gamtat ding ka hi uh hiam?” ci-in a dong uh hi. 38. Tua ciangin Peter in amaute kiangah, “Na mawhna uh kisik unla, na mawhna uh hong kimaisak theih nadingin Jesuh Khrih min tawh tui kiphum ciat un. Tua hileh Pasian’ piakkhong Kha Siangtho na ngah ding uh hi. 39. Bang hang hiam cih leh Pasian in ama kamciamna pen note tung, na suan na khakte uh tung le gamlapi-a om mi khempeuh, i Topa Pasian in a sap mi khempeuh tungah a hong bawl ahi hi,” ci-in a dawng hi. (TDB)

Rom 6:3-4 Khrih Jesuh tawh i kipawl theih nadingin ama sungah a kiphum eite pen ama sihna mahah zong a sikhawm ihihlam thei lo na hi uh hiam? 4. I Pa’ vangliatna tawh sihna panin Khrih a kithawhkiksak mah bangin eite zong nuntakna thak i nuntak theih nadingin tui i kiphum ciangin amah tawh kiphum khawmin a sikhawm ihi hi. (TDB)

Khrihmite Nuntakdan Thu

Eite in Khrih-mite i hih mah bangin Pasian leh midangte it ding ahi hi. Eite in nuntak siangtho tawh sunglam leh pualam nuntak ding leh Lungdamtakin Pasian biak ding ahi hi. Kha pan a ki ngah vangliatna letsongte lakah damsakna, tuate tuni in pawlpi ading ahi hi. 

Marka 12:28-31 Tua thukidotna a za Thukham hilh siate khat in, Saddusi mite’ dotnate limtakin Jesuh in a dawntheihna a muh ciangin Jesuh hong neh a, “Thukham khempeuh lakah bang thukham a lianpen ahi hiam?” ci-in a dong hi. 29. Jesuh in, “Thukham a lianpen in: Israel mite aw, ngai un: I Topa Pasian bek mah Topa ahi hi. 30. Na Topa Pasian uh, na lungsim khempeuh, na nuntakna khempeuh, na pilna khempeuh, le na thahatna khempeuh uh tawh na it un, a cihna ahi hi. 31. A nihna in: Nangma pumpi na it bangin na vengte na it in, cihna ahi hi. Hih tegel sangin thukham a lianzaw a dang om nawn lo hi,” ci-in a dawng hi. (TDB)

Korin Nihna 7:1 Tua ahih manin ka hong it lawmte aw, pumpi le lungsim a ninsak theite khempeuh panin kisiansuahin, Pasian zahtakna tawh nungta-in siangtho sinsenin om ni. (TDB)

Hebru 12:14 Mi khempeuh tawh na kilem theih nading uh hanciam un. Nuntak siangtho lo tawh kuamah in Topa mu zo lo ding ahih manin nuntak siangtho na nungta un.  (TDB)

Korin Masa 12:8-10 Kha Siangtho in mi khat tungah thuthuk pilna hong guan a, tua Kha Siangtho mah in adang khat tungah thugen siamna hong guan hi. 9.Adang khat tungah upna hong guan a, adang khat tungah cina damsak theihna hong guan hi. 10. Adang khat tungah nalamdang bawl theihna, adang khat tungah Pasian’ thu hilh ding siamna, adang khat tungah Kha Siangtho piak siamna ahi leh ahi lo khentheih nading siamna, adang khat tungah pau lamdang pau theihna, adang khat tungah tua pau lamdang tuamtuam paunate a khiatna gentheihna hong pia hi.  (TDB)

Mailam Thu

Jesu Khrih hong pai kik ding hi, a Mah in a pawlpi hong la ding hi. Atawpna ah thawhkikna leh a tawpna thukhenna hi ding hi. Midikte in tawntung nuntakna luah ding uh a, migilote tawntung sihna hi ding hi. 

Thesalonika Masa 4:16-17 Pasian’ thupiakna awging lianpi, vantungmi mangpa’ thugenna, le Pasian’ peengkul hong ging ding a, vantung panin Topa mahmah hong paisuk ding hi. 17. Tua ciangin tua hun laitakin a nungta lai eite pen vankim lai-ah Topa a dawn dingin amah a um a sisa mite tawh hong kilakhawm ding a, Topa tawh i omkhawm tawntung ding hi, cihna ahi hi. (TDB)

Mangmuhna 20:11-15 Tua ciangin tokhom kang a lian khat le a tungah a tupa ka mu hi. Ama omna panin lei le van lengkhiamang a, a tunna mel uh kithei lo hi. 12. A lian a neu misite tua tokhom mai-ah dingin laibute a kilem ka mu hi. Tua ciangin a nungta mite a kigelhna laibu a dang khat zong a kilem ka mu hi. Amaute’ gamtatna tua laibute sungah a kigelhna tawh kizui-in misite tungah thu a kikhen hi.13. Tuipi sungah a om misite, tuipi in hong pusuah a, Sihna le Misite’ Gam in zong amau sungah a om misite hong pusuah uh hi. Tua ciangin a vekpi-in amaute’ gamtatnasa tawh kizui-in thu a kikhen hi. 14. Tua ciangin Sihna le Misite’ Gam, meiphualpi sungah a kilawn hi. Hih meiphualpi pen sihna nihna ahi hi. 15. A nungta mite a kigelhna laibu sungah a min a om lo peuhmah meiphualpi sungah kilawn hi. (TDB)